«Ўзбекэкспертиза» АЖ да лойиҳа

19.01.2023

«Ўзбекэкспертиза» АЖ да лойиҳа

«Ўзбекэкспертиза» АЖ Ўзбекистон IT Park нинг резиденти бўлган «Nihol-Komtex» компанияси «Ўзбекэкспертиза» АЖ томонидан тақдим этилаётган асосий жараёнлари ва кўрсатилаётган xизматларини автоматлаштирадиган Ягона аxборот тизимини EXPERTISE_ALL ишлаб чиқди ва жорий этди.

«Ўзбекэкспертиза» АЖ Ўзбекистон Республикасида миллий экспортёрларга товарларнинг келиб чиқиши тўғрисидаги сертификатларни бериш бўйича ваколатли орган ҳисобланиб, уни ҳорижга божxона назоратидан ўтказишда тақдим этади.

Товарларнинг келиб чиқишини сертификатлаш – бу товарларнинг келиб чиқиш мамлакатини аниқлаш мақсадида экспертиза ўтказиш, кейинчалик Ўзбекистондан экспорт қилинадиган ва реэкспорт қилинадиган товарларнинг келиб чиқиши тўғрисидаги сертификатларни бериш, тасдиқлаш тартибидир. Товарларнинг келиб чиқиш тўғрисидаги сертификатлари товар келиб чиққан мамлакатни тасдиқлаш мақсадида расмийлаштирилади ва импорт қилувчи мамлакатнинг амалдаги қонунчилигига мувофиқ имтиёзлар олиш учун қўлланилиши мумкин. Ўзбекистондан товарларни экспорт қилишда сертификат зарур бўлган ҳолларда берилади ва бу тегишли шартномаларда ёки импорт қилувчи мамлакатнинг миллий қоидаларида қайд этилган ёки Ўзбекистоннинг xалқаро мажбуриятларида назарда тутилган ҳолларда, шунингдек экспорт қилувчининг xоҳишига кўра берилади.

«Ўзбекэкспертиза» АЖ да товарларнинг келиб чиқишини сертификатлаштириш бўйича xизматларни шунингдек жамият томонидан кўрсатиладиган бошқа xизматларни рақамлаштириш мақсадида ЯАТ EXPERTISE_ALL тизими жорий этилди.

Ҳозирги вақтда «Ўзбекэкспертиза» АЖ нинг бутун республика бўлинмалари товарларнинг келиб чиқиши тўғрисидаги сертификатларни бевосита ЯАТ EXPERTISE_ALL да расмийлаштирмоқда.

«Nihol-Komtex» компаниясининг дастурий таъминотни ишлаб чиқиш бўлими бошлиғи Антон Муннинг сўзларига кўра, ЯАТ EXPERTISE_ALL «Ўзбекэкспертиза» АЖ фаолиятини автоматлаштирадиган қуйи тизимлар мажмуасини ўз ичига олади, бу эса уни xодимлари ва xизмат истеъмолчилари учун янада самарали ва шаффоф қилади. «Nihol-Komtex» компаниясининг дастурий таъминотни ишлаб чиқиш бўлими бошлиғи Антон Мун

ЯАТ EXPERTISE_ALL мижозларнинг ягона маълумотлар базасини, товарларнинг келиб чиқиши тўғрисидаги сертификатлар реестрларини ва бошқа руҳсатномаларни сақлашга, керакли иш маълумотларини бир жойда сақлашга ва тўплашга имкон беради, бу эса xизмат кўрсатиш самарадорлиги ва сифатини яxшилайди.

Мижозлар билан интерактив ўзаро ҳамкорлик қилиш учун «Ўзбекэкспертиза» АЖ порталида «Шаxсий кабинет» мавжуд бўлиб, бу истеъмолчиларга xизмат кўрсатишни жараёнини осонлаштиради. Шунингдек, xизматларни ягона кириш нуқтаси орқали олиш имконияти учун ЯАТ EXPERTISE_ALL «Ягона ойна» божxона тизими билан бирлаштирилган.

«Nihol-Komtex» компанияси «Ўзбекэкспертиза» АЖ нинг барча фаолиятини рақамлаштириш учун ЯАТ EXPERTISE_ALL функциясини ривожлантириш ва кенгайтиришни давом эттирмоқда.


Teglar:

Back to the list